Önjt iir 12 for üüs tid heewe röömische histooriker dåt jarst tooch wat our da frasche schraawen. Sunt et 8. Iirhunert kömen frasche üt e sööden; tujarst tu da ailönje än hålie; awäädrie uk tu e mjarsch aw e fåstewåål. Da bageten dike än wärwe, am jam iinj et heew döörtuseede. Önjt madelåler boogetens trinam et heew foon e Rhein-müning bit tu e Weser, diilwis bit tu e Elbe-müning.
Frasch kultuur diling
Diling laawe ambai 50.000 Frasche önj Slaswig-Holstiinj bait heew, aw da ailönje än da hålie. Aptu kaame Weestfrasche önj da Neederlönje än Frasche önj Needersaksen.
Ouer wat snååkt huum diling? Åltens nuch as dåt grutst müülj, e spräke aprucht tu hüülje. Hü koone bjarne tweerspräki gruut wårde? Hü koon huum önj Fraschlönj booge än laawe?
Da kääre san teeme önj di podcast „Hark iinjsen – di frasche podcast“ unti aw e Instagram-sid foon Friisk besuners.
https://frr.wikipedia.org/wiki/Wikipedia:Hoodsid
Tuhuupe Luupe
foon Bräist / Nordfraschlönj eefter Ljouwert / Weestfraschlönj
Fiilje-tuur 2018 tu e europäisch kultuur-hoodstää Ljouwert önj Weestfraschlönj. 78 manschne wjarn ouer 388 km deerbai: foon Bräist ouer Büsum eefter Hålilönj (mat schap), eefter Bremerhaven, Leer (Ååstfraschlönj) bit Ljouwert.
Mör ouer e tuur fant huum heer: Tuhuupe Luupe 2018 Dokumentation
EUROPEADA
as e Fötjbål-Euroopamäisterschap foon da natsjonaale än autochtoone manerhäide
Båt turniir as en grut sportlik begääwenhäid, wat en weedstrid än en sportfäst ferbant ma åål dåt, weer da autochtoone än natsjonaale manerhäide jam for inseete.
Tubai et fötjbålspaalen gungt et bai dåtheer tuhuupekaamen for ålem uk deeram, dåt da manerhäide maenouder önj kontakt kaame än jare ünlike kultuure kånenliire. Aw e fötjbålplåtse än bait hiilj drååwen gungt et am en fair, tolerant än respäktful maenouder än am di internatjonaale toochte. Da Nordfrasche san sunt 2008 deerbai! Mör ouer e EUROPEADA 2024 fant huum heer
