Di Frasche Rädj hålt e ferbinung tu e politiik än ferteelt dåt, wat da frasche feriine wan. Dåt san da feriine, wat jam önj Nordfraschlönj än Hålilönj deerfor inseete, dåt frasch stipet wård. Hi snååkt e hiilje tid ma:
Manerhäiderädjjeewer foont lönj Slaswig-Holstiinj
Hi unti jü berädj di ministerpräsident önj ål da frååge trinam da fjour manererhäide: Frasche önj Slaswig-Holstiinj, e dånsch manerhäid önjt dånsch noord-Slaswig, da tjüsche Sinti än Roma än e regjionoolspräke plåttjüsch önj Slaswig-Holstiinj.
Tu e ineside foon e rädjeewer https://www.schleswig-holstein.de/DE/fachinhalte/M/minderheiten/minderheiten_minderheitenbeauftragter.html
Frasch-gremium foon e loondäi
Di loondäis-präsident seet arks legislatuur-perioode dåt „gremium trinam fråage foon e frasch fölkjsfloose önjt lönj Slaswig-Holstiinj“ (Frasch gremium) in. Dåt kaamt tu tunge önjt iir tuhuupe, deerma huum ham e hiilje tid üttprunge koon trinam frååge tu e stipe foon e frasche spräke, biling än kultuur.
Rädjjeewer foon e bundesregiiring for ütsiidler-fråage än nasjionååle manerhäide
Hi unti jü as e sentrool mansche aw e huuchte foon di bund: jü fertreet e bundesregiiring önj da gremie. On ütschus as bai e banelönjsminister.
Tu di inesid foon e rädjjeewer https://www.aussiedlerbeauftragte.de/Webs/AUSB/DE/startseite/startseite-node.html
Manerhäiderädj foon e fjour nasjioååle manerhäide önj Tjüschlönj
Di manerhäiderädj fertreet da gemiinsome inträse foon da fjour autochthoone nasjionååle manerhäide än fölkjsfloose önj Tjüschlönj (dånsch manerhäid, Frasche, tjüsche Sinti än Roma än Lausitser Soorbe) inoure e bundesregiiring, bundesdäi än bundesrädj. Önje manerhäiderädj san da tougeferiine. Hi beschnååkt da frååge, weer et önje grün gungt, än seet ham in, dåts stipet än schöölt wårde. Önje warkeldäi stipet dåt manerhäide-kantoor di manerhäide-rädj.
Deerma huum nuch bääder ma e bundesdäi tu snååken kamt, as en interparlamentarische årbedskris dertu kiimen; deer san da manerhäide üt manerhäiderädj än bundesdäismoons bane.
Tu e inesid foon manerhäide-kantoor https://www.minderheitensekretariat.de/