Önjt iir 12 for üüs tid heewe röömische histooriker dåt jarst tooch wat our da frasche schraawen. Sunt et 8. Iirhunert kömen frasche üt e sööden; tujarst tu da ailönje än hålie; awäädrie uk tu e mjarsch aw e fåstewåål. Da bageten dike än wärwe, am jam iinj et heew döörtuseede. Önjt madelåler boogetens trinam et heew foon e Rhein-müning bit tu e Weser, diilwis bit tu e Elbe-müning.
Frasch kultuur diling
Diling laawe ambai 50.000 Frasche önj Slaswig-Holstiinj bait heew, aw da ailönje än da hålie. Aptu kaame Weestfrasche önj da Neederlönje än Frasche önj Needersaksen.
Ouer wat snååkt huum diling? Åltens nuch as dåt grutst müülj, e spräke aprucht tu hüülje. Hü koone bjarne tweerspräki gruut wårde? Hü koon huum önj Fraschlönj booge än laawe?
Da kääre san teeme önj di podcast „Hark iinjsen – di frasche podcast“ unti aw e Instagram-sid foon Friisk besuners.
https://frr.wikipedia.org/wiki/Wikipedia:Hoodsid
Tuhuupe Luupe
Fiilje-tuur 2018 tu e europäisch kultuur-hoodstää Ljouwert önj Weestfraschlönj. 78 manschne wjarn ouer 388 km deerbai: foon Bräist ouer Büsum eefter Hålilönj (mat schap), eefter Bremerhaven, Leer (Ååstfraschlönj) bit Ljouwert.
Mör ouer e tuur fant huum heer: Tuhuupe Luupe 2018 Dokumentation
